Esprabes d’amou

Ét que l’aperabe û « counderilhot » més qu’ère û rouman en biarnés, publicat en 1926, p’ou purmè cop, en û téms oun se hasè pouesie meylèu que prose.

Û rouman qui-s neuréch de la bite-bitante dou Biarn d’aquét téms, segu, més rouman dous moudèrnẹs, engadyat dehéns lou moùndẹ d’aquét coumença dou sèglẹ XXau, moùndẹ dous estudians à Toulouse, e puch moùndẹ de la guèrre gran de 1914-1918 qui merquera pregoundamén l’autou e lous soûs persounàdyẹs.
Yulién de Caseboune que badou en 1897 e que se mouri en 1978. Qu’estou û defensou arderous de la loéngue biarnése e gascoune e que-ns dechè trés àutẹs lìbẹs màyẹs : Cinquante ans de bite paysane ; Prouséy de saunéy e û dous riàlẹs testimouniàdyẹs sus la guèrre de 1914-1918 : Û souldat biarnés à la guèrre.
Û escribâ de noùstẹ qui cau absouludamén descoubri – ou tourna descoubri – permou d’esta û dous noùstẹs yéncẹs prousatous dous sèglẹ passat, à coustat dous Simin Palay, Miquèu de Camelat e Filadèlfe de Yèrde.